Pútkil jer júzinde parlamentler bir palatalı yaki eki palatalı dúziliste shólkemlestiriledi. Ózbekstan Respublikası Oliy Majlisi eki palatalı dúziliske iye. Konstituciyamızdıń XVIII babında Oliy Majlistiń statusı, dúzilis quramı, shólkemlestiriw tártibi, wákillikleri, palatalardıń bir-biri menen qatnası, basshılıq hám járdemshi uyımları, nızamshılıq procesi tártipke salınǵan.