Axborot texnologiyalari jadal sur’atlarda rivojlanib borayotgan hozirgi davrda, tashkilotlar faoliyatining samaradorligini oshirishda axborot resurslarining o‘rni beqiyosdir. Shu bilan birga, ushbu axborot resurslarini ishonchli himoya qilish masalasi ham dolzarb ahamiyat kasb etmoqda. Zamonaviy raqamli muhitda axborotga nisbatan turli tahdidlar, kiberhujumlar va ma’lumotlar sizib chiqishi holatlari tobora ko‘paymoqda. Bu esa tashkilotlardan axborot xavfsizligini ta’minlash borasida tizimli yondashuvni talab etadi. Axborot xavfsizligini boshqarish tizimi (ISMS — Information Security Management System) tashkilotning axborot aktivlarini himoya qilish, xavflarni aniqlash, baholash va ularni boshqarish orqali xavfsizlik darajasini doimiy ravishda nazorat qilish imkonini beradi. ISMS – bu nafaqat texnik vositalar, balki siyosat, protsedura, standart va inson omillarini ham qamrab oluvchi kompleks yondashuv hisoblanadi.