Ishning maqsadi: BIOS haqida boshlang‘ich ma‘lumotlar olish. Kompyuterning boshlang‘ich sozlamalarini amalga oshirish usullari bilan tanishish. BIOS dasturiy va qurilmaviy sozlashlarini o‘rganish. Amaliy mashg‘ulotni bajarishda zaruriy vositalar: Shaxsiy kompyuter Masalaning qo‘yilishi: 1. BIOS haqida ma‘lumotlar olish. 2. BIOSni dasturiy o‘rganish. 3. BIOSni qurilmaviy o‘rganish. Ofislardagi shaxsiy kompyuter va qurilmalarni elektr manbaiga ulashdan so‘ng ularni ishlatishda BIOS dan foydalaniladi. U tizim platada joylashgan alohida mikrosxema bo‘lib, faqat o‘qish va saqlash rejimlarida ishlaydi, yozish mumkin emas. U energiyaga bog‘liq emas, chunki alohida akkumlyator batareykasidan ta’minlanadi. BIOS hajmi kichik bo‘lib, unda ishlab chiqarilgan zavodda dasturlar yoziladi va doimiy saqlanishi uchun akkumlyator batareykasidan energiya bilan ta‘minlanadi. Dasturning asosiy vazifasi kompyuter tok manbaiga qo‘shilgandan so‘ng, avtomatik ravishda barcha qurilmalarning ish faoliyatini nazorat qiladi. U qo‘yidagi amallarni bajaradi: Kompyuterning asosiy qurilmalarini testdan o‘tkazish. Asosiy qurilmalarda nosozlik o‘chramaganda operatsion sistemaning boshlang‘ich yuklash modulini operativ xotiraga yuklaydi. Operatsion sistemaning qolgan modullarini tashqi tezkor xotiraga yuklaydi. BIOS (doimiy xotira) - Pentium tipidagi kompyuterlarda mavjud bo‘lib, ulardagi ma‘lumotlar mikrosxema tayyorlanayotganda yoziladi. Bu ma’lumotlardan keyinchalik kompyuter ishlayotganda faqat o‘qish uchun foydalaniladi.