Ijtimoiy muhofaza tizimi jamiyatning zaif qatlamlariga, ya'ni keksalar, nogironlar, ishga layoqatsiz bo‘lganlar va boshqa ijtimoiy himoyaga muhtoj shaxslar uchun ko‘rsatayotgan yordamlar va qo‘llab-quvvatlash tizimidir. Ijtimoiy himoya tizimi orqali davlat ijtimoiy tenglikni ta'minlash, jamiyatda adolatni qaror toptirish va ijtimoiy barqarorlikni saqlashga intiladi. O‘zbekiston Respublikasining mustaqillikka erishganidan so‘ng, ijtimoiy muhofaza tizimi jadal rivojlanib, davlat ijtimoiy siyosatining eng muhim yo‘nalishlaridan biriga aylandi.