“Bandlik” tushunchasi foydalanishga yaroqli bo‘lgan resurslar barcha turlari (ishchi kuchi, kapital, yer, tadbirkorlik layoqati) ning iqtisodiy nafli faoliyatda foydalanishga jalb qilinganlik darajasini anglatadi. Har qanday demokratik davlatning rivojlanishdan asosiy maqsadi – insondir. Jamiyat taraqqiyoti esa nafaqat mamlakat iqtisodiy salohiyatining kattaligi bilan, balki bu salohiyat har bir insonning kamol topishi va uyg‘un rivojlanishiga qanchalik yo‘naltirilgani bilan ham o‘lchanadi.