Boshqaruv hisobi zamonaviy iqtisodiyotda korxonalar faoliyatini samarali tashkil etish, resurslardan oqilona foydalanish va raqobatbardoshlikni ta’minlashda muhim vosita hisoblanadi. U nafaqat moliyaviy ko‘rsatkichlarni tahlil qilish, balki boshqaruv qarorlarini qabul qilish uchun zarur bo‘lgan ma’lumotlarni tayyorlashga xizmat qiladi. Boshqaruv hisobining asosiy vazifasi ishlab chiqarish xarajatlarini aniqlash, daromad va foyda darajasini baholash, strategik rejalashtirish jarayonlarini qo‘llab-quvvatlashdan iboratdir. Bugungi kunda globallashuv va raqobatning keskinlashuvi sharoitida boshqaruv hisobi iqtisodiyotni barqaror rivojlantirish, moliyaviy oqimlarni to‘g‘ri boshqarish hamda xo‘jalik yurituvchi subyektlarning samaradorligini oshirish uchun dolzarb masalaga aylanmoqda.