Byudjet- soliq siyosati Reja 1. Byudjet –soliq siyosatining mohiyati va usullari. 2. Davlat xarajatlari, soliq va balanslashgan byudjet mul’tiplikatorlari. 3. Diskret va nodiskret fiskal’ siyosat. Byudjet taqchilligi va ortiqchaligi. 4. O’zbekiston Respublikasi byudjet-soliq siyosati va uning xususiyatlari. 1. Byudjet –soliq siyosatining mohiyati va usullari. Davlatning asosiy vazifalaridan biri iqtisodiyotni barqarorlashtirish hisoblanadi. Bunday barqarorlashtirishga monetar siyosat vositalari qatori fiskal siyosat orqali ham erishiladi. Fiskal siyosat shuningdek, byudjet-soliq siyosati deb ham aytiladi. Byudjet-soliq siyosati deganda noinflyatsion YAIM ishlab chiqarish sharoitida iqtisodiyotda to’liq bandlilikni, to’lov balansining muvozanatini va iqtisodiy o’sishni ta’minlashga qaratilgan davlat xarajatlari va soliqlarini o’zgartirishni o’z ichiga olgan chora tadbirlar tushuniladi.