Inson kapitalini baholash usullari : Inson kapitali murakkab iqtisodiy kategoriya sifatida sifat va miqdoriy xususiyatlarga ega. Ko'pgina olimlar, iqtisodchilar turli vaqtlarda inson kapitalini baholash uchun turli xil usul va vositalardan foydalanishni taklif qilishgan. Ushbu yondashuvlar "insonning qiymati, mehnat qiymati, tovarlarning narxi, ishchi kuchi", mehnat xizmatlari qiymati, inson kapitali qiymati, inson kapitali xizmatlari narxi, ta'lim fondining qiymati, yashash qiymati va boshqalar kabi tushunchalarning mavjudligida aks etgan. Inson kapitalining zamonaviy nazariyasi doirasida nafaqat inson kapitaliga investitsiyalar hajmini, balki shaxs tomonidan to'plangan inson kapitali hajmini ham baholash zarurati tug'iladi