Ushbu ishda kichik biznes subyektlarining tashkiliy-huquqiy shakllari, ularning iqtisodiyotdagi o‘rni va faoliyat yuritish xususiyatlari o‘rganiladi. Kichik biznes mamlakat iqtisodiyotining muhim tarkibiy qismi bo‘lib, aholi bandligini ta’minlash, raqobat muhitini rivojlantirish va bozor iqtisodiyotini mustahkamlashda katta ahamiyatga ega. Ish davomida yakka tartibdagi tadbirkorlik, oilaviy korxona, mas’uliyati cheklangan jamiyat (MChJ) va boshqa tashkiliy-huquqiy shakllarning huquqiy asoslari hamda faoliyat yuritish tartibi tahlil qilinadi.Shuningdek, har bir tashkiliy-huquqiy shaklning afzalliklari va kamchiliklari, ularni tashkil etish jarayoni, boshqaruv tizimi hamda moliyaviy va huquqiy mas’uliyat masalalari yoritiladi. Tadqiqot natijasida kichik biznes subyektlari uchun eng maqbul tashkiliy-huquqiy shakllarni tanlashning nazariy va amaliy jihatlari ochib beriladi.