Oilaviy tadbirkorlik - oila a’zolari va ularning yaqin qarindoshlari tomonidan tashkil etiladigan tadbirkorlik faoliyatidir. Bu yakka tartibdagi tadbirkorlikning ayrim kamchiliklarini bartaraf qiluvchi shakl bo‘lib, o‘zingiz yashab turgan hududda faoliyat yuritishga va mahsulotni shu joyda sotishga imkon beradi. Oilaviy tadbirkorlik o‘z ishtirokchilarining ixtiyoriyligiga asoslanadi va mulkiy javobgarlik ostida daromad olish maqsadida amalga oshiriladi. Shuningdek, bu shaklda elektr, suv, gaz kabi kommunal xizmatlar uchun aholi tariflari qo‘llaniladi, bu esa katta imtiyozlarni taqdim etadi. Oilaviy tadbirkorlik yuridik shaxs tashkil etilgan yoki tashkil etilmagan holda mavjud bo‘lishi mumkin.