Raqamli iqtisodiyot – bu raqamli texnologiyalarga asoslangan elektron biznes va iqtisodiy faoliyat bo‘lib, unda axborot va raqamli ma'lumotlar asosiy resurs hisoblanadi. U yangi texnologiyalar, platformalar va biznes modellari yaratish orqali mavjud iqtisodiyotni yangi tizimga aylantirish, ishlab chiqarish va xizmat ko‘rsatishni raqamli transformatsiya qilishni o‘z ichiga oladi. Raqamli iqtisodiyot onlayn xizmatlar, elektron to‘lovlar, internet savdo va boshqa raqamli faoliyatlarni rivojlantirish hisoblanadi. Uning samaradorligi axborot texnologiyalarining keng qamrovli qo‘llanilishi, inson kapitali va boshqaruv sifatiga bog‘liq.