Водород ионининг концентрацияси табиатда, организмда бўладиган турли жараёнларда мухим аҳамиятга эга. Бизнинг организмимизни нормал фаолиятида қонда ва организмнинг турли биологик суюкликларида Н+ ва ОН- ионларининг концентрацияси ўзгармас холатда бўлади. Қонда рН 7,3-7,4 оралигида бўлади. Агарда коннинг рН 0,4 бирликка ўзгарса, организм яшашдан тўхтайди. Организм турли овқат маҳсулотлари истеъмол қилишидан қатъий назар организмда рН ўзгармасдан қолади. РН ни нормал холатда сақлаб турадиган эритмалар буфер системалар ҳисобланади. Кимёвий жараёнларда, лабораторияда, техникада рН ни ўзгармас ҳолатда ушлаб туриш учун буфер эритмалардан фойдаланилади.