Barcha ko‘rib chiqilgan termodinamik potensiallar tabiiy sharoitlarda xarakteristik funksiyalar bo‘ladi. Ularning bunday nomlanishiga sabab, funksiyaning o‘zi ѐki uning tabiiy parametrlar bo‘yicha hosilalari orqali moddaning barcha termodinamik hossalarini ochiq ifodalash mumkinligidir. Lekin xarakteristik funksiyalarni tanlashda uning qulay bo‘lishiga e’tibor berish kerak. Masalan, U=f(V, S) va H=f(p, S) bo‘lgani uchun U va N lardan xarakteristik funksiya sifatida foydalanish qiyinchilik tug‘diradi, chunki entropiyani to‘g‘ridan-to‘g‘ri o‘lchash imkoniyatiga ega emasmiz. Xuddi shunday entropiyadan ham xarakteristik funksiya sifatida foydalanish noqulay, chunki S=f(V,U) bo‘lgani uchun, ichki energiyani bevosita aniqlash imkoniyati yo‘q. Shuning uchun xarakteristik funksiya sifatida ko‘pincha Gibbs va Gelmgols energiyalaridan foydalaniladi, chunki ular aniqlash oson bo‘lgan tabiiy V, p, T kattaliklarning funksiyalaridir.