Android — Linux yadrosida yaratilgan portativ operatsion tizim bo‘lib, smartfonlar, planshetlar, elektron kitoblar, raqamli pleyerlar, aqlli soatlar va boshqa ko‘plab qurilmalarda ishlatiladi. Dastlab Android Inc. tomonidan ishlab chiqilgan va keyinchalik Google tomonidan sotib olingan. Android dasturlarni Java va boshqa dasturlash tillarida ishlab chiqishga imkon beradi. Google tomonidan qo‘llab-quvvatlanadigan Open Handset Alliance (OHA) tomonidan rivojlantiriladi. Android ko‘plab versiyalardan iborat bo‘lib, har bir versiyaning kod nomi shirinlik nomlari bilan atalgan. Android operatsion tizimining onlayn dasturlar do‘koni boshlang‘ichida Android Market bo‘lib, 2012-yilda Google Play xizmatiga birlashtirilgan.