Sanoat binolarining 70% dan ko’proq qismi bir qavatli qilib loyihalanadi va quriladi. Ko’pincha katta oraliqlarni yopishda, ayniqsa yirik maydonli binolarni yopishda metall konstruktsiyalar keng qo’llaniladi. Bunday binolarni tomyopmalarini tayyorlash va montaj qilishning mexnat sarfi, umumiy binoni barpo etish mehnat sarfining 50-75% ni tashkil etadi, shuning uchun, butun qurilishni tugatish muddati tomyopmalarni montaj qilish davomiyligiga bog’liq bo’ladi. Binolarning tomyopmalar konstruktsiyasini yechimlari boshqa konstruktsiyalardan elementlarning ko’p sonli tutashuv uzellaridan (tugun) tashkil topishi bilan farq qiladi va shuning uchun ularni to’g’rilash, tomyopmaning ayrim elementlarni mos keltirish, ayniqsa biriktirish va mustahkamlashga ko’p mexnat talab etiladi.