Un mahsulotlari kundalik ehtiyojlarga kiruvchi oziq-ovqat tovarlari bo‘lib, ularning qadoqlari ustidagi yozuvlar mahsulot nomi, ishlab chiqaruvchi, tarkib, vazn, saqlash sharoiti va boshqa muhim ma’lumotlarni o‘z ichiga oladi. Ularning nomlari mahalliy va xalqaro ta’sirda shakllangan bo‘lib, mahsulotning sifatini, kelib chiqishini va iste’molchi uchun jozibadorligini ko‘rsatadi. Mahsulot nomlari tilshunoslik va marketing vositasi sifatida ishlatiladi. Lingvistik jihatdan yozuvlarning aniq, tushunarli va milliy til me’yorlariga mos bo‘lishi talab etiladi.