Jadidchilik harakati – XIX asr oxiri va XX asr boshlarida Turkiston va unga tutash hududlarda yuzaga kelgan ijtimoiy-siyosiy va ma’rifiy harakat. Harakatning asosiy maqsadi: qoloqlik va diniy xurofotdan ozod etish, shariatni isloh qilish, ma’rifatni tarqatish, muxtoriyat uchun kurash, demokratik respublika tuzumini o‘rnatish, milliy qo‘shin va valyutani tashkil qilish. Jadidchilar yangi usul maktablari ochib, madaniy-ma’rifiy jamiyatlar va matbuot tashkil qilgan, milliy mustaqillik uchun faol kurash olib borgan.