“O‘zbekistonning eng yangi tarixi” fani mustaqillik yillarida O‘zbekiston Respublikasida yuz bergan siyosiy, ijtimoiy-iqtisodiy va madaniy sohalardagi tub islohotlar, ularning mazmun-mohiyatini o‘rganish hamda talaba-yoshlarda milliy g‘urur, Vatanga sadoqat tuyg‘usini shakllantirishga qaratilgan. Kurs predmeti – mustaqillik davridagi O‘zbekiston tarixi; maqsadi – o‘quvchilarga o‘sha davr o‘zgarishlarini tushuntirish; vazifalari – muammoli vaziyatni tahlil qilish, islohotlarning nazariy-metodik asoslarini o‘rganish va yoshlarni tarix faniga qiziqtirishdan iborat.