Men nechun sevaman O'zbekistonni. 1. Qalbimdagi vatan tuyg'usi. 2. Eng oliy baxt. 3. Bu aziz Vatan— barchamizniki! Bizdan ozod va obod Vatan qolsin. Islom Karimov Vatan. Bu qanday sehrli so'zki, uni deb xalqlar qo'liga qurol oladi? Uning qanday jozibasi borki, egalari begonalarga bergisi kelmaydi? Uning qanaqa quvvati borki, himoyasiga xalqlar jonlarini tikadilar, uning ozodligi yo'lida hayotlarini qurbon qiladilar? Aslida, Vatan — eng oliy tushuncha, xalqlarning tayanchi, o'tmishi, buguni va ertasidir. Shuni aslo unutmaslik kerakki, Vatanga bo'lgan muhabbat samimiy dildan bo'lmog'i lozim. O'z vatanini sevmoqlik har bir shaxsning muqaddas burchidir, ammo haqiqiy vatanparvar uni sevish bilan kifoyalanib qolmaydi, balki Vatan ravnaqi, obodligi va obro'yi uchun tinmay kurashadi. Odamzod shunday yaratilganki, u boshqalardan ajralgan holda, yakka- yolg'iz, so'ppayib umrguzaronlik qilolmaydi. Hatto umrining yarmini xumni vatan qilib o'tkazgan qadimgi yunon faylasufi Diogen ham, baribir, shogirdlari bilan, boshqa faylasuflar bilan aloqada yashagan