Sayr – maktabgacha ta’lim tashkilotlarida bolalarning tabiat bilan bevosita tanishishi, ularni kuzatish va o‘rganish orqali bilim, ko‘nikma va malakalarini shakllantirishning muhim shaklidir. Sayrning mohiyati shundaki, u bolalarning har tomonlama rivojlanishiga xizmat qiladi. Avvalo,ta’limiyahamiyati katta: sayr davomida bolalar tabiat hodisalari, fasllar almashinuvi, o‘simlik va hayvonot olami haqida yangi bilimlarga ega bo‘ladilar, kuzatish, solishtirish va xulosa chiqarish malakalarini egallaydilar.Tarbiyaviyjihatdan esa, sayr bolalarda tabiatni sevish, unga ehtiyotkorlik bilan munosabatda bo‘lish, ekologik madaniyatni shakllantirish, mehnatsevarlik va sabr-toqatni rivojlantirishga yordam beradi.