Zamonaviy jamiyatning barqaror rivojlanishi ko’p jihatdan insonning ma’naviy, axloqiy va intellektual jihatdan to’liq shakllanishiga bog’liq. Bu jarayonda ta’lim tizimi, xususan, boshlang’ich ta’lim bosqichi hal qiluvchi o’rin tutadi. Bugungi kunda O’zbekiston Respublikasi uzluksiz ta’lim tizimini takomillashtirish yo’nalishida ulkan islohotlar amalga oshirmoqda. Ushbu islohotlarning markazida shaxs tarbiyasi masalasi turadi - ya’ni har bir o’quvchini nafaqat bilimli, balki axloqan yetuk, ijtimoiy mas’uliyatli, mustaqil fikrlovchi shaxs sifatida tarbiyalash vazifasi.