Bugungi kunda ko`p narsalar o`zgarmoqda. Bozor iqtisodiyotiga o`tish borasidagi g`oyalar qiyinchilik bilan bo`lsada, ko`proq o`z tarafdorlariga ega bo`lmoqda. Bank sohasiga qiziqish ham ortmoqda. Tijorat banklari tashkil etilib, mavjud banklar kuchaytirilmoqda va raqobatga dosh bera olmayotgan banklar bozoran chiqib ketmoqda. Boshqa moliyaviy institutlar ham barpo etilmoqda. Tijorat banklarining rivojlanishi va ular tomonidan bajariladigan operatsiyalar doirasining kengayishi bilan bank sohasida marketing joriy qilish muammosi o`ta dolzarblik kasb etmoqda.