Suv nasosining samaradorligini tekshirish Ishdan maqsad. Mazkur ishni bajarishdan maqsad 10D100 dizellarining suv nasoslari va ularni sinovdan o‘tkazish yo‘llari bilan tanishish hamda ular tuzilishini o‘rganishdan iborat. 13.1. 10D100 dizelining suv nasoslari sxemasi va bayoni Suv nasoslari tizimlarda suvning zarur darajada tezlik bilan aylanishini ta’minlaydi. Teplovozlarda markazdan qochma suv nasoslari qo‘llanadi. Teplovoz dizellarining suv nasoslari bir xil tuzilgan. Ular ishchi g‘ildiragi o‘lchamlari, bundan kelib chiqib, samaradorligi, shuningdek yuritma tomonidagi zichlash moslamalari bilan farq qiladi. 10D100 dizelining suv nasosi cho‘yan korpusdan 10 iborat bo‘lib, uning ichida bronzadan yasalgan, uzun valda 5 qo’zg’almas tarzda to’xtatishli shaybali 13 gayka 14 bilan mahkamlangan markazdan qochma ishchi g‘ildiragi 11 joylashgan. Val korpusga boltlar yordamida burab o‘rnatilgan staninadagi 9 tebranish podshipniklariga 2 va 4 qo‘ndirilgan va quyi tirsakli valdan shesternya 1 orqali aylantiriladi. Podshipniklar tirgak vtulka 3 bilan mahkamlanadi. Suv nasos yordamida cho‘yan kallak 12 orqali so‘rilidi va g‘ildirak 11 kuraklariga kelib tushib, ular esa suvni korpus ulitkasi bo‘ylab haydash patrubkasiga uzatadi. Moyning nasosning suv bo‘shlig‘iga kelib tushishining oldini olishga qaytarish vtulkasiga o‘rnatilgan zichlash halqasidan tashkil topgan podshipnik zichlagichi 4 xizmat qiladi.