Birinchi mexanik hisoblash mashinasini yaratgan Bleez Paskal bu ajoyib qurilmani otasining hisoblash ishlarini osonlashtirish uchun yasagan edi. Bu bilan Paskal otasining ishini ma’lum darajada mexanizatsiyalashtirdi. Demak Paskal yaratgan mexanik hisoblash mashinasi dastlabki mexanizatsiyalashtirilgan (bugungi tushunchada «avtomatlashtirilgan») ish joyiga misol bo‘la oladi. Bu - inson yaratgan birinchi avtomatlashtirilgai ish joyi emas, albatta. Avtomatlashtirilgan ish joylarining tarixi ancha qadimga borib taqaladi, ammo biz bu haqda mazkur qo‘llanmada fikr yuritishni lozim topmadik.