Sement qurilish materiallarida keng qo‘llaniladigan asosiy bog‘lovchi moddalardan biridir. Uning tarkibi va xossalariga qarab turli muhit va sharoitlarga moslashtirilgan maxsus turlari mavjud. Qurilishda yuzaga keladigan agressiv muhitlar, tezkor ta’mir ehtiyoji, suv ta’siriga chidamlilik kabi talablar asosida turli texnologik yechimlar ishlab chiqilgan. Sement noorganik bog‘lovchi modda bo‘lib, suv bilan aralashtirilganda plastik xolga keladi va vaqt o‘tishi bilan qotib, mustahkam toshsimon holatga o'tadi. U asosan ohaktosh, loy, gips va boshqa moddalarning maxsus haroratda pishirilishi natijasida olinadi. Asosiy tarkibi: Kaltsiy oksidi (CaO), Kremniy dioksidi (SiO₂), Alyuminiy oksidi (Al₂O₃), Temir oksidi (Fe₂O₃), Gips (CaSO₄·2H₂O) – qotish vaqtini nazorat qilish uchun qo‘shiladi.