Bozor iqtisodiyoti sharoitida korxonaning o‘z moliyaviy va xo‘jalik faoliyatini hech qanday qarz mablag‘larini jalb etmasdan samarali davom ettirishi ancha murakkab jarayon hisoblanadi. Qarz mablag‘laridan foydalanish esa korxonaga o‘z faoliyatini kengaytirish, mavjud xususiy kapitalni yanada samarali yo‘naltirish, turli maqsadlarga mo‘ljallangan moliyaviy fondlarni tezroq shakllantirish hamda umumiy bozor qiymatini oshirish imkonini beradi.