Tug’ma kasalliklar - embrion taraqqiyotining buzilishidan paydo bo’ladigan kasalliklar, nuqsonlar. Tug’ma kasalliklarda organizm, ayrim organlar tuzilishi va funksiyasi butunlay yoki qisman buziladi. Bu, asosan, homila rivojlanishida ona organizmiga zararli har xil omillar ta’sirida kelib chiqadi. Irsiy omillar ta’sirida ota ona jinsiy hujayralari yetilishi (meyoz) va otaona yoshiga qarab jinsiy hujayralardagi xromosoma apparati buziladi. Irsiy omillarga jinsiy xususiyatlar (genom)ga ionlovchi nurlar va kimyoviy moddalar ta’sirida yuz beruvchi mutatsion jarayon (qarang Mutatsiya) ham kiradi. Otaonaning yoshi ulg’aygan sari Tug’ma kasalliklar bilan tug’iluvchi bolalar soni ham ko’payib boradi.