uSeyfulg'a'bit Ma'jitov (1865-1938) ko'p jıllıq do'retiwshilik xızmeti menen qaraqalpaq a'debiyatında u'lken shayır, da'slepki dramaturg, prozanı baslawshılardın' biri sıpatında tanıla aldı. Sonın' menen birge ol jurnalist, pedagog, awdarmashı retinde de belgili. Sonlıqtan onın' do'retiwshiligi ha'r ta'repleme ken' ha'm bay. Da'slepki qaraqalpaq mekteplerinin' bir qatar oqıw quralların, birinshi qaraqalpaq a'lipbesin du'ziwshisi S.Ma'jitov bolıp esaplanadı. Ol a'sirler dawamında xalıq o'miri menen ajıralmas baylanısta jasap kiyatırg'an qaraqalpaq a'debiyatın, tatar, rus a'debiyatların su'yip u'yrendi.