Ushbu maqolada kreativ yondashuv asosida o‘quvchilarning adabiy tahlil kompetensiyasini shakllantirishning didaktik imkoniyatlari xususida atroflicha so‘z yuritilgan. Kreativ yondashuv o‘quvchilarning dars mavzularini o‘zlashtirish jarayonlarini tezlashtirishi, murakkablik darajasi turlicha bo‘lgan topshiriqlar, vazifalarni ijodiy bajarishga bo‘lgan intilishning kuchayishiga xizmat qilishi ta’kidlangan. O‘quvchilarni erkin fikrlashga o‘rgatish, darslarni yangi texnologiya hamda metodlar orqali o‘tish o‘quvchida bilim va ko‘nikmalarni shakllantirish bilan bir qatorda, ulardagi ijodiylik, yaratuvchanlik qobiliyatini ham shakllantirishga xizmat qilishi qayd etilgan.