Jamiyatning barcha sohalarida olib borilayotgan isloxotlar davrida jamoada sog’lom ruhiy muhit yaratish san’atini egallagan odamlarga katta extiyoj sezilmoqda. Ana shunday jamoa hamjihatligi malaka va ko’nikmalari ko’p jihatdan maktabda shakllantiriladi. Lekin bugungi kunda ilmiy ishlarning aksariyat ko’pchiligida dastavval mehnat va ilmiy jamoalardagi ruhiy muhit o’rganiladi. Tadqiqotchilar bolalar va pedagoglar jamoalaridagi ruhiy muhit muammolari bilan ancha kam shug’ullanadilar. Ayni paytda pedagog har qanday turdagi jamoalar uchun umumiy hisoblangan ijtimoiy-ruhiy muhit to’g’risidagi asosiy qoidalarni bilishi kerak. Shu sababli maqolamizning asosiy mazmuni ham – ijtimoiy-ruhiy tusdagi asosiy axborotni berishdan iboratdir. Bu axborotni pedagog ham, bolalar ham kattalar jamoalarining o’ziga xos xususiyatlarini hisobga olib, ularga nisbatan moslashtirib qo’llanishi mumkin.