Pedagogika kasbi jamiyatdagi eng muhim va ta'sirchan ijtimoiy rollardan birini o‘ynaydi. U nafaqat bilimlarni uzatish, balki tarbiyaviy jarayon orqali yosh avlodni ma'naviy, axloqiy va ijtimoiy jihatdan shakllantirishga xizmat qiladi. Pedagoglar, ayniqsa, o‘quvchilarga dunyoqarashini shakllantirish, ularni hayotga tayyorlash, jamiyatda o‘z o‘rnini topishlari uchun zarur ko‘nikmalarni berish orqali ta'lim tizimining eng muhim tarkibiy qismini tashkil etadi. Ta'lim tizimining zamonaviy talablarga javob berishi, uning sifati va pedagoglarning malakasi jamiyatning rivojlanishida beqiyos ahamiyatga ega.