Zamanagóy bilimlendiriw sistemasınıń rawajlanıwı hám jetilisiwi pedagogikalıq texnologiyalardıń ilimiy tiykarlanǵan qollanılıwına baylanıslı. Bilimlendiriw procesi quramalı, kóp qırlı hám turaqlı ózgeriwsheń sistema bolıp, onı nátiyjeli shólkemlestiriw ushın teoriyalıq hám ámeliy jaqtan puqta tiykarlanǵan qurallar hám kózqaraslar talap etiledi. Usı tárepten pedagogikalıq texnologiya túsinigi hám onıń rawajlanıw basqıshları, sonday-aq, olardıń teoriyalıq-metodologiyalıq tiykarları bilimlendiriwde innovaciyalardı engiziwde úlken áhmiyetke iye. Pedagogikalıq texnologiyalar oqitiw hám bilim beriw procesin anıq rejelestiriw, oni basqarıw hám bahalaw imkaniyatın beriwshi sistemalı jantasıwlar kompleksi sipatında qaralıp atır. Olar járdeminde bilimlendiriw procesi jáne de nátiyjeli, shaxsqa baǵdarlanǵan hám nátiyjege erisiwge qaratılǵan bolıwı múmkin.Pedagogikalıq texnologiya - bul bilim beriw procesin nátiyjeli shólkemlestiriw, rejelestiriw hám basqarıwdıń ilimiy tiykarlangan sistemalı usılı. Onıń rawajlanıw tariyxı pedagogikanıń metodologiyalıq tiykarlarınan biri sıpatında qáliplesip, oqıtıwdıń nátiyjelili