Pedagogik metodlar-bu bilim o‘rganish, tarbiya berish va shaxsda ko‘nikmalarni shakllantirishning qulay, oson hamda maqbul yo‘llari majmuidir. Metod so‘zi lotincha bo‘lib ba’zida usul so‘zi bilan ham ifodalanadi, lekin ilmiy atama sifatida “metod” so‘zi ishlatiladi. Dars bevosita o’qituvchi rahbarligida aniq belgilangan vaqt davomida muayyan o’quvchilar guruhi bilan olib boriladigan ta’lim jarayonining asosiy shakli sanaladi. Darsda har bir o’quvchi xususiyatlarini hisobga olish, barcha o’quvchilarning mashg’ulot jarayonida o’rganilayotgan fan asoslarini egallab olishlari, ularning idrok etish qobiliyatlari va ma’naviy-axloqiy sifatlarini tarbiyalash hamda rivojlantirish uchun qulay sharoitlar yaratiladi.