Mazkur ilmiy-amaliy ishda “ko‘ngil” va “dil” tushunchalarining psixologik mazmuni, ularning inson shaxsiyatini shakllantirishdagi o‘rni va ahamiyati chuqur tahlil qilinadi. Inson ichki dunyosini anglash, uning ruhiy kechinmalari, hissiyotlari, emotsional holatlari va axloqiy qadriyatlari kabi nozik jarayonlarni yoritishda ushbu ikki tushuncha muhim vosita bo‘lib xizmat qiladi. “Ko‘ngil” va “dil” so‘zlari qadimdan o‘zbek xalqining ruhiyati, axloqiy qarashlari va estetik tushunchalarida alohida o‘rin egallab kelgan bo‘lib, ular xalq og‘zaki ijodida, adabiyotda, falsafiy fikrlarda va kundalik hayotda keng qo‘llanadi.