ABU ALI IBN SINO Abu Ali ibn Sino (to‘liq ismi Abu Ali al-Husayn ibn Abdulloh ibn al-Hasan ibn Ali ibn Sino) 980-yilda (370 hijriy) Buxoro yaqinidagi Afshona qishlog‘ida tavallud topgan. Mashhur tarixchi Abu Bakr Narshaxiyning yozishicha, Afshona ilgari kattagina shahar bo‘lgan. Vaqt o‘tishi bilan o‘z mavqeini yo‘qotib, kichik qishloqqa aylanib qolgan va Isfana deb atala boshlagan. Hozir esa yana Afshona deb atalmoqda.