Ilgariqi beoqibat ayyomda Farg‘ona iqlimida Kayqubod degan podshohdan qolgan bir eski shahar vayronasi bor erdi. U yerni bir Boyo‘g‘li degan vatan qilgan edi. Ammo uning g‘ururi xush va dilkash edi. Yashil giyohlar, anvoyi gullar, chechaklar serobligidan, qo‘rg‘onga qo‘ngan chog‘da tovusning parlaridek turlanib, naqshlangandek ko‘rinar edi va undan bir chaqirimli yerda Yapaloqqush ota-bobosidan qolgan bir joyni makon qilgan edi. Boyo‘g‘lining yuziga sharq quyoshi banda bo‘lgan bir qizi bor edi.