Oila jamiyatning mo’jas ko’rinishidir. Agar u sof insoniy tuyg’ular, muhabbatga asoslangan bo’lsa, unda totuvlik va baxtiyorlik barqaror bo’ladi. Darhaqiqat, xalqimiz hayotni oilaviy turmush tarziga asoslagan. Oila muqaddas, oila millat sharafi yuqori martabaga ko’taradigan madaniyat o’chog’idir. Millat ko’payishining bir yo’li erkak va ayolning nikoh va oila munosabatida bo’lishidir. Shuning uchun manbalarda qayd etiladiki, o’zbekistonda nikohdan o’tish darajasi yuqori va eng muhimi, oilaning buzulishi dunyo bo’yicha eng past darajadadir. Serfarzandlik o’zbek oilasining alohida belgisidir. Bizda ko’p bolali onalar soni boshqa mintaqalarga nisbatan yuqori turadi. Ana shu bois o’zbek oilasi dunyoda bolajon xalq sifatida e’tirof etiladi.