O'zbek xalq rivoyatlari o’ziga xos obrazlilik va badiiylikka ega bo’lib, bu holatni yuzaga chiqaruvchi muayyan poetik ifoda vositalari, belgilari, kompozitsion unsurlari mavjud. Rivoyatlar og’zaki nasr namunalari sifatida badiiy tafakkur taraqqiyotida ham muhim o’rin tutadi. Qadimgi ajdodlarimizning badiiy mahorati kelib chiqishiga afsonalardagi kabi mifologik tasavvur-tushunchalar yetarli ta’sir ko’rsatgan.