O‘zbek adabiyotida hajviyot rivojiga sezilarli hissa qo‘shgan shoir Turdi Farog‘iy Buxoroda tug‘ildi va shu yerda shoir sifatida shakllandi. Tug`ilgan yili ma’lum emas. Ulkan hajviy va lirik iste'dod egasi, shoir Turdi Farog'iy haqidagi dastlabki ma'lumotlar XX asrning 20- yillarida paydo bo'ldi. Kattaqo'rg'onlik adib Abdulhamid Majidiy (1902—1938) uning bir dasta qo'lyozma she'rlarini topib, matbuotda e'lon qildi va u haqda dastlabki ma’umotni berdi. Turdining ismi-sharifi, hayot yo'lidagi sanalar to'la ma'lum emas. “Turdi” taxal-lusidir. Ayrim she'rlarida bu taxallus “Farog'iy” bilan yonma-yon keladi. Shunga qaraganda, uning ikki taxallusi bo'lgan. Shu sababli, uni Turdi Farog'iy deb atagan ma'qul.