Biologik faol moddalar (BFM) - bu fizik-kimyoviy xususiyatlari tufayli ma'lum bir faollikka ega va organizmning ma’lum bir funktsiyasiga ijobiy ta’sir ko’rsatadigan, ba’zan uni nafaqat qo’zg'atadigan yoki o’zgartiradigan, balki uni to’liq almashtiradigan birikmalardir. BFMlar ma’lum spetsifik faolikka ega bo’lib, organizmdagi katalitik (fermentlar, vitaminlar, kofermentlar), energetik (uglevodlar, lipidlar), plastik (uglevodlar, lipidlar, oqsillar), boshqaruvchi (gormonlar, peptidlar) yoki boshqa funksiyani bajaradilar yoki shu jarayonlarga bevosita yoki bilvosita ta’sir etish xususiyatlariga egadirlar. Barcha biologik faol moddalar ma'lum darajada tananing funksiyalariga ta'sir qiladi, ma'lum ta'sirga erishishga yordam beradi.