Yer yuzida katta maydonlarni egallagan daraxtzorlar borki, unda daraxtlar bir-biriga juda yaqin, ya’ni zich bo’lib o’sadi. Daraxtlar zich o’sadigan katta yer maydoni o’rmon deb ataladi. O’rmonlarda qarag’ay, qayin, archa, kedr, eman kabi daraxtlar o’sadi. Qanday daraxtlar o’sishi o’rmon egallagan joyning tabiiy sharoitiga bog’liq. Yer yuzida tog’ o’rmonlar, to’qay o’rmonlar, nam ekvatorial o’rmonlar, savana va siyrak o’rmonlar, tropik o’rmonlar mavjud. Keyingi vaqtlarda o’rmonlar soni keskin kamayib bormoqda. Odamlar o’z ehtiyojlarini qondirish maqsadida daraxtlarni kesishmoqda. Bu esa daraxt turlarini, hayvonot olamini yo’qolib ketishiga olib kelmoqda.