Jins organizmning gametalar hosil qilish orqali nasl qoldirish, irsiy axborotni kelgusi avlodga uzatishni ta’minlaydigan belgi va xossalar yig‘indisidir. Yuksak hayvonlarda jinsiy farqlarni hosil qiluvchi belgi-xossalar birlamchi va ikkilamchi jinsiy belgilarga ajratiladi. Birlamchi jinsiy belgilarga jinsiy organlardagi farqlar kiradi. Ikkilamchi jinsiy belgilar jinsiy bezlardan ajralgan gormonlar ta’sirida yuzaga chiqadigan belgilardir. Bular qushlar, sutemizuvchilarning erkagi gavdasining yirik, chiroyli bo‘lishi, odamlarning erkaklarida soqol, mo‘ylovning bo‘lishi, ovozning yo‘g‘on bo‘lishi kabilardir. Tirik organizmlarda irsiy axborot hisobiga urg‘ochi va erkak jins farq qilinadi. Organizmlarda jinsiy farqlar