Tirik organizmlar tarkibida uchraydigan oqsillar tolasimon va yumaloq yoki tuxumsimon shaklga ega bo'ladi. Tolasimon oqsillarga hayvonlarning junidagi, odam sochi, muskuli va ipak qurtining ipagidagi oqsiilar kiradi. Yumaloq oqsillarga esa hujayradagi eruvchan oqsillar misol bo’ladi. Oqsillar turli ta’sirlar natijasida o’zining tabiiy xususiyatlarini yo’qotadi. Masalan, tuxum qaynatilganda oqsillari ivib qoladi. Bu hodisa denaturatsiya (denatura – tabiiy holatni yo’qotish) deb ataladi. Barcha oqsillar ikkita katta guruhga bo’linadi: oddiy va murakkab oqsillar. Oddiy oqsillar faqat aminokislotalardan tashkil topgan bo’ladi.