Pomidor konservalariga pomidor sharbatlari, tomat-pyure, tomat-pasta, tomat-souslari kiradi. Ular asosan yaxshi pishib etilgan hamda po‘sti va urug‘i ajratib olingan pomidor mag‘zidan tayyorlanadi. Pomidordan oziq ovqat sanoatida keng foydalaniladi. Pomidor konservalari ishlab chiqarish texnologiyasida xom ashyoni yuvish, saralash, maydalash, isitish, siqish, sharbatni isitish, qirgichdan o‘tkazish va qaynatish, idishlarga joylashtirish, sterilizatsiyadan iborat. Pomidor sharbati press-ekstraktor yordamida siqib olinadi. Sharbatda quruq modda miqdori 4,5% dan kam bo‘lmasligi lozim.