Терминал ҳолат бу организм ҳаётининг охирги сўниш даври бўлиб, биологик ўлимдан олдинги ҳолатдир. Биологик ўлим ҳолатида орган ва тўқималарда, аввало марказий нерв системасида қайта тикланмайдиган ўзгаришлар вужудга келади. Шунинг учун биологик ўлим холатида организмни ҳаёт фаолиятини қайта тикланиш имкони йўқ. Ўлимнинг жараёни, хамма стадиялари ва бошланғич постреанимацион даври терминал холат ҳисобланади. Бу маънодаги ўлим организмнинг ҳаёти учун зарур функцияларнинг давомий сустлашиши хамда гомеостазга жавобгар системаларнинг парчаланиши жараёнидан иборатдир. Ўлим жараёнини организм ўз кучи билан тўхтата олмайди, ташқи муҳит ёрдамисиз эса албатта биологик ўлимга олиб келади. Ўлим жараёнининг сабабларидан каътий назар, унинг ривожланишида гипоксия асосий ва умумий патофизиологик омил ҳисобланади.