Leksik ma'no murakkab, ko’p qirrali, shu bilan birga, bir butun yaxlit ob’ektdir. Mazkur yaxlit butunlik doirasida leksik ma’noning quyidagi qirralari ajratiladi: 1) Leksik ma’no nolisoniy voqelikning maxsus lisoniy umumlashgan in’ikosidir; 2) Leksik ma’no konkret muayyan bir voqelikning, narsaning nomi, ifodalanishidir; 3) Ma’no leksik birlikning komponenti (tarkibiy qismi) sifatida til sistemasining struktur elementidir; 4) Leksik ma’no so’zlovchining so’zga munosabatini va aksincha, so’zning so’zlovchiga munosabatini ifodalovchi birlikdir.