Temperatura - moddaning issiqlik darajasini miqdor jihatidan aniqlaydigan fizik kattalikdir. Temperatura molekulyar fizika va termodinamikaning asosiy kattaliklaridan biridir. Temperatura lotinchada “holat” degan ma’noni anglatadi. Moddalarda issiqlik almashinishi natijasida ularning temperaturalari tenglashishiga issiqlik muvozanati deyiladi. Temperatura termometr yordamida o‘lchanadi. Ko‘p foydalaniladigan termometr simobli termometrlardir. Termometr shkalasi darajalangan bo‘lib, simobning qancha ko‘tarilganligiga qarab temperaturani bilib olish mumkin. Temperaturaning o‘lchov birligi qilib gradus olingan.