Ushbu maqolada kengaytirilgan borliq (Augmented Reality, AR) texnologiyasining mohiyati, uning asosiy turlari va qo‘llanilish sohalari haqida so‘z boradi. AR texnologiyasi real dunyo tasviriga virtual elementlarni qo‘shish orqali foydalanuvchilarga interaktiv tajriba taqdim etadi. Markerga asoslangan, markersiz, proyeksiya va superpozitsiya texnologiyalarining ishlash tamoyillari tushuntiriladi. Shuningdek, ARning ta’lim, tibbiyot, savdo, o‘yin sanoati, arxitektura va avtomobil sohalaridagi amaliy qo‘llanilishi tahlil qilinadi. Ushbu texnologiya turli sohalarda inqilobiy o‘zgarishlarni amalga oshirishga yordam berib, inson hayotini yanada qulay va samarali qiladi.