Kompyuter tarmoqlari haqida umumiy tushunchalar. Axborot texnologiyalarini qo`llashning eng muhim sohalaridan biri – telekommunikatsiya va aloqa tarmog`i hisoblanadi. Bu erda axborot tizimlari axborot oqimlarini boshqarib va trafikni tartibga solib aloqa tarmog`ining uzluksiz ishlashini ta'minlaydigan zarur vosita hisoblanadi. Hisoblash texnikasi vositalarining rivojlanishi, ayniqsa shaxsiy kompyuterlarning paydo bo`lishi mahalliy hisoblash tarmog`i (MHT) deb nomlanadigan yangi tipdagi axborot-hisoblash tizimlarining yaratilishiga olib keldi.