Kompyuterning programmaviy ta’minoti - bu operatsion sistemalar, utilitlar, drayverlar, fayl menedjerlari, virusga qarshi dasturlar va tizimli dasturlar to‘plamidir. Ularning vazifalari kompyuter qurilmalarining ishga tayyorligini ta’minlash, foydalanuvchi bilan qulay interfeys yaratish, ma’lumotlarni boshqarish va saqlash, shuningdek turli viruslardan himoya qilishni o‘z ichiga oladi. Shu bilan birga, dasturlarni yaratishda, mashina tiliga tarjima qilish va dasturni ishga tushirishda yordam beruvchi til va vositalar mavjud. Zamonaviy operatsion sistemalar ko‘p foydalanuvchi, ko‘p vazifali rejimda ishlash imkoniyatiga ega bo‘lib, turli turdagi apparat va dasturiy ta’minotni boshqaradi.